Եզոպոսի առակներից..

Աղվեսն իր պոչը թողեց թակարդում և միտք արեց, թե ո՞նց ապրի այդպես խայտառակված: Եւ որոշեց մյուս աղվեսներին էլ համոզել, որ ձեռք քաշեն իրենց պոչերից, որ իբր դրանք ավելորդ ծանրություն են և գեղեցիկ չեն: Աղվեսներից մեկը նրան ասաց.

-Ինչու՞ չարիր դու այդ կոչդ, երբ որ տեղն էր սիրուն պոչդ: 
 Թագավորը իր շքախմբով զբոսնում էր: Հանկարծ քամին բարձրացավ, և թագավորի գլխարկն ընկավ ձորը: Թագավորն սկսեց նեղվել արևից, նախանձեց իր մարդկանց, որ գլխարկ ունեին, և ասաց.
  — Դե’ն նետեք ձեր անպետք գլխարկները: Դրանք ավելորդ ծանրություն են ձեր գլխին:
 Ոչ ոք վախից ձայն չհանեց, միայն թագուհին ասաց.
  — Ինչու՞ մինչև գլխարկդ կորցնելն այդպիսի բան չէիր ասում:

By Արմինե Աբրահամյան Posted in Առակ

Ասույթներ մայրենի լեզվի մասին

 

Ձեզ եմ ասում՝ ձեզ, հայոց նորահաս երիտասարդք, ձեր անունին մեռնեմ, ձեր արևին ղուրբան, տասը լեզու սովորեցեք, ձեր լեզուն, ձեր հավատքը ղայիմ բռնեցեք… Որքան հարուստ է այդ լեզուն իր բազմատեսակ արտահայտություններով, դարձվածքներով ու պատկերներով, որքան զորեղ նրա հասկացողություններն ու դատողությունները, որքան բնական նրա պատկերները և փոխառումները, որքան կատարյալ գիտական անվանումները։

Խ. Աբովյան

Շարունակել կարդալ

Մայրենի լեզու, 5-րդ դասարան / 2014-2015 ուս. տարի/

Մայրենի լեզվի ծրագիր /5-րդ դասարան/

Ժամաքանակը՝  շաբաթական  5ժամ, տարեկան 180 ժամ:

Ուսուցումը կազմակերպվում է թվային միջոցների կիրառմամբ, ուսումնական նախագծերով:

Սովորողները դպրոց են գալիս անձնական նոթբուք-նեթբուքով:

5-րդ դասարանում մայրենի լեզվի ուսուցման խնդիրներն են Շարունակել կարդալ

Աշխատաժամանակ 2014-2015 ուս.-տարի

1Մխիթար Սեբաստացի կրթահամալիր

Դպրոց-պարտեզ

Դասավանդողի աշխատաժամանակի կառուցվածքը

Մայրենի լեզվի դասավանդող՝ Արմինե Աբրահամյան

20 ժամ

Աշխատանքային շաբաթը՝ երկուշաբթիից-ուրբաթ

Աշխատանքի սկիզբը՝ 8.45

Աշխատանքի ավարտը՝ 16.00

Ընդմիջում — առավելագույնը  30 րոպե

  • Առավոտյան ընդհանուր պարապմունք – 2 ժամ
  • Մասնակցություն սեմինար պարապմունքի — 1 ժամ
  • Մասնակցություն աշխատողների ընդհանուր ժողովի — ամիսը մեկ անգամ
  • Մասնակցություն մեդիաուրբաթին -1 ժամ
  • Խորհրդատվություն – 0-2 ժամ
  • Մասնակցություն ծնողների հետ հանդիպմանը — 1 ժամ
  • Երգչախմբի, մասնագիտական զարգացման այլ պարապմունք -2 ժամ
  • Մասնակցություն հասարակական  աշխատանքի -1 ժամ
  • Ուսումնական նախագծի նախապատրաստում — 2 ժամ
  • Ընտրությամբ գործունեություն / լրագրություն / շաբաթական 4ժամ /
  • Օրվա գործունեության ամփոփում, ներկայացում, լուսաբանում — 1 ժամ

Մայրենի լեզուն կրտսեր դպրոցում

1-4-րդ դասարաններ

Երեխան մայրենի լեզվի կրողն է: Նա լավ թե վատ, ճիշտ թե սխալ անընդհատ
հաղորդակցվում է, ճանաչում ինքն իրեն, արտահայտում իր մտքերը, փորձում
հասկանալ ու հասկանալի լինել:
Մայրենի լեզվի ուսուցում ասվածը պայմանական է, քանզի մարդն այն յուրացնում է
ամբողջ կյանքի ընթացքում: Երեխան ծնված օրվանից արդեն կրում է մայրենի լեզուն:
Կրտսեր դպրոցի խնդիրն է դառնում օգնել երեխային գրավոր և բանավոր խոսքը ճիշտ
ձևակերպել, կարողանալ արտահայտել իր հույզերը, զգացմունքները ու հաղորդակցվել:
Մայրենի լեզվի ուսուցումը, որպես ուսուցման հիմնական լեզու, անընդհատ է ու
սերտորեն կապված է սովորողի ամենօրյա գործունեության հետ: Այն պետք է նպաստի
սովորողի՝ բնականոն, անկաշկանդ, ստեղծագործող, տրամաբանող, ազատ
արժեհամակարգի ձևավորմանը:
Մայրենի լեզուն ուղղված է՝ Շարունակել կարդալ

Մայրենի լեզվի ծրագիր /4-րդ դասարան/

Հեղինակ՝ Մարիետ Սիմոնյան

Մայրենի լեզվի ծրագիր /4-րդ դասարան/

Ժամաքանակը՝  շաբաթական  5 ժամ, տարեկան 170 ժամ:

Ուսուցումը կազմակերպվում է թվային միջոցների կիրառմամբ, ուսումնական նախագծերով:

Սովորողները դպրոց են գալիս անձնական նոթբուք-նեթբուքով: Շարունակել կարդալ

12 փաստ աշխարհի լեզուների մասին

  1. Աշխարհի ամենաերկար այբուբենն ունի կամբոջերենը՝ 74 տառ:
  2. Մի ժամանակ ամպերսենդ (&) նշանը անգլերենի այբուբենի տառ էր:
  3. Տակի լեզուն, որը տարածված է Ֆրանսիական Գվինեայում բաղկացած է ընդամենը 340 բառից:
  4. Բենջամին Ֆրանկլինը 18-րդ դարում անգլերեն լեզվում գտել էր drunk (արբած) բառի 200 հոմանիշ:
  5. Պապուա Նոր Գվինեայի բնակիչները խոսում են մոտ 700 լեզվով: Դա մոտավորապես աշխարհի բոլոր լեզուների 15% է:
  6. ՄԱԿ-ում ընդունված է 6 պաշտոնական լեզու՝ անգլերեն, ֆրանսերեն, արաբերեն, չինարեն, ռուսերեն և իսպաներեն:
  7. Չինարեն լեզվի «Մանդարին» անվանմամբ բառբառը աշխարհի ամենատարածված լեզուն է: Այդ լեզվով խոսում են ավելի քան 885 միլիոն մարդ: Երկրորդ տեղում իսպաներենն է՝ 332 միլիոն, երրորդը՝ անգլերեն – 322 միլիոն:
  8. Աֆրիկական մայրցամաքում ավելի քան 1000 տարբեր լեզու գոյություն ունի:
  9. Չինարենը ունի ավելի քան 40 000 հիերոգլիֆ: ,,Դժվարություն,,, ,,անհաջողություն,, հերոգլիֆը պատկերվում է նույն զույգ հերոգլիֆով ինչ ,,կին,, բառը:
  10. Հոգրորականները, իրավաբանները և բժիշկները իրենց առօրյայում օգտագործում են մոտ 15000 բառ: Որակավորված աշխատողները՝ 5000-7000 բառ, իսկ ֆերմերները մոտ 1600 բառ:
  11. Վիրուս բառը լատիներենից թարգմանած նշանակում է թույն, իսկ անտոլոգիան՝ ծաղկեփունջ:
  12. Աշխարհի լեզուների մեծ մասում մայր բառը սկսում եմ «Մ» տառով: