«Սեբաստացիներն իմ ընտանիքում»

Ես սեբաստացի Լիլիկ Երիմյանն եմ,սովորում եմ «Մխիթար Սեբաստացի» կրթահամալիրի, Դպրոց-պարտեզի 4-1 դասարանում:

Մայրիկս  սովորել է  Մեղրու   շրջանի Ագարակ  քաղաքի թիվ 2  դպրոցում: Իմ դպրոցը  11 –ամյա է ,իսկ մայրիկիս դպրոցը եղել է միջնակարգ` 10-ամյա:

Երբ նայում եմ մայրիկիս ալբոմը,դպրոցական տարրիների նկարներում  նա միշտ համզգեստով է ,հագած ունի շագանակագույն զգեստ ,սպիտակ գոգնոց, իսկ վզին ալ կարմիր վզկապ:Մայրիկս ասում է ,որ պիոներ է եղել: Ճիշտ է չեմ հասկանում  ինչ  նկաի ունի ,բայց նրա նկարները շատ  լավն են:

Реклама

Ո՞ ւմ դպրոցն է ավելի լավը…

Մամուռներ

Մամուռները հանդիպում են բոլոր լեռնային գոտիներում։ Աճում են ժայռերի, քարերի, ծառերի, տարբեր շինությունների վրա, քաղցրահամ գետերում։ Որոշ թռչուններ՝ օրինակ կաքավները օգտագործում են որպես ուտելիք, ուրիշները՝ որպես հիմնական շինանյութ՝ բույն սարքելիս։

Եղջերու

Եղջերուներից հայտնի է մոտ 40 տեսակ՝ տարածված Եվրոպայում, Ասիայում, Հյուսիսային Աֆրիկայում, Ամերիկայում։Եղջերուների մարմնի երկարությունը մոտ 200 սմ է, կենդանի զանգվածը՝ 100–300 կգ։ Ապրում են անտառներում փոքր խմբերով։ Սնվում են ճյուղերով, տերևներով, խոտերով ։ Ձմռանը կերը փորելով հանում են ձյան տակից։ Ունենում են 1–2 ձագ։ Որսի և արդյունագործական կենդանիներ են. գնահատվում են տաք մորթին, ամուր կաշին և համեղ միսը։ Հյուսիսային ժողովուրդների համար եղջերուները փոխարինում են թե ոչխարին, թե կովին և թե ձիուն։​

Վիլյամ Սարոյան «Թե ինչ կարող է պատահել, երբ գոհացնում ես անշնորհակալ մարդկանց»

Մի ընտանիքում կույր մարդ կար, որին տալիս էին ամենաընտիր կերակուրը, հագուստը, անկողինը՝ ամեն, ամեն ինչ, բայց գիշեր-ցերեկ թնկթնկում էր ու դժգոհում, որ իր հետ շատ տմարդի են վարվում։

Ընտանիքի մյուս անդամները եթե ջուր էին խմում, ապա կույրին կաթ էին տալիս, յուրաքանչյուրը բավարարվում էր մի աման ապուրով, բայց կույրին երեքն էին տալիս։

Վարդան Այգեկցի

Առակներ

Համո Սահյան. Մայրամուտ

Սարն առել վրան ծիրանի մի քող,
Ննջում է կարծես ծաղկե անկողնում,
Անտառն արևի բեկբեկուն մի շող
Ծոցի մեջ պահել ու բաց չի թողնում:

Ժայռի ստվերը գետափին չոքել,
Վիզը երկարել ու ջուր է խմում,
Հովն ամպի թևից մի փետուր պոկել,
Ինքն էլ չգիտի,թե ուր է տանում:

Քարափի վրա շողում է անվերջ
Ոսկե բոցի պես թևը ծիծառի…
Կանգ առ,հողագունդ,քո պտույտի մեջ
Թող մայրամուտը մի քիչ երկարի:

Առաջադրանքներ

1. Կարդա՛ ու բացատրիր ընդգծված տողերը: Ինչպե՞ս ես հասկանում…

2. Առանձնացրո՛ւ քեզ ամենից շատ դուր եկած տեսարանը և հիմնավորի՛ր ընտրությունդ:

3.Ի՞նչ գույն ունի մայրամուտը այս բանաստեղծության մեջ:

4. Դիտարկի՛ր մայրամուտը և ֆոտոխցիկի օգնությամբ ներկայացրու մայրամուտի տարբեր պահեր:

5 Քո տեսած մայրամուտը ինչո՞վ է նման այս բանաստեղծության մեջ ներկայացված մայրամուտին:

Եղնիկը. Ավետիք Իսահակյան

«Մի անգամ իմ բարեկամ մի որսորդ մեր հանդի անտառուտ սարերից մի եղնիկ նվեր բերեց երեխաներիս համար»:
Այսպես սկսեց ընկերս աշնանային մի երեկո, երբ նստած միասին նրա պատշգամբում, հիացած նայում էինք հեքիաթական վերջալույսով վառվռուն սարերին, որոնց վրա մակաղած հոտերի նման մեղմորեն հանգչում էին ոսկեգեղմ անտառները:
«Այդ մի մատաղ ու խարտյաշ եղնիկ էր, խորունկ, սև ու ջինջ աչքերով, որ ծածկվում էին երկայն, նուրբ թարթիչների տակ:
Կամաց-կամաց մեր վրա սովորեց նա. էլ չէր փախչում, չէր վախենում մեզնից. մանավանդ շա՜տ մտերմացել էր երեխաներիս հետ. նրանց հետ միասին վազվզում էր պարտեզում, նրանց հետ ճաշում էր, նրանց հետ քնում:

Դարձվածքներ

Գտի՛ր դարձվածքների հոմանիշ զույգերը և բացատրի՛ր:

1. Ականջի ճոթով լսել                                         ականջն ընկնել

ականջին հասնել                                           երկու կրակի միջև

երկու քարի արանքում                                    իր էշը քշել

իր զուռնան փչել                                              ականջի ծայրով լսել

իրար խառնվել                                                գլուխը կորցնել

2. Յոթ սարից այն կողմ                                             երկինք հասցնել

օձի լեզու թափել                                                      սատանային բնից հանել

կապը կտրած                                                           ով հարս, նա հարսաքույր

երկինք հանել                                                            աչքից հեռու

անպոչ գդալ                                                              թոկից փախած

2. Մի քանի դարձվածքներ ընտրի՛ր և  նախադասությունների մեջ փոխաբերական իմաստներով գործածի՛ր:

Փոխաբերություններ

1. Տրված հատվածներում գտի՛ր փոխաբերաբար գործածված բառերը և դուրս գրի՛ր: 

Մարդ չկար. աշնան մերկ դաշտերն էին… չորացած տերևներն անհանգիստ խմբվում էին այս ու այն անկյունում, թպրտում հուսահատ և անմռունչ պառկում սև գուբի մեջ… Այգում երիտասարդ կեռասենիները մրսում էին, քամուց խշշում… Արևը խաղում էր մայրամուտի ամպերի հետ…

Քամին հալածում է մառախուղի թանձր քուլաները: Նրանք խրտնած ոչխարի պես փապչում են ձորերով: Մառախուղի փեշերից ցցվում են պղնձագույն ժայռերի կատարները: Քարափոր տներից կապույտ ծուխը ձգվում է դեպի վերև և լիզում խոնավ ժայռերը՝ մեկը մյուսից խոժոռ ու ահռելի…

Ակսել Բակունց

2.Փոխաբերաբար գործածված բառերի ուղիղ իմաստներով նախադասություններ կազմի՛ր: