Առաջադրանքների փաթեթ 20-23 ապրիլի

20 ապրիլի

Երեքշաբթի

Համառոտ պատմել <<Վաճառականի խիղճը>> զրույցը, կատարել կից առաջադրանքները։

22 ապրիլի

հինգշաբթի

Կարդալ <<Եղեգնուհի>> հեքիաթը և տեքստի վերաբերյալ 3-5 առաջադրանք մշակել։

23 ապրիլի

ուրբաթ

Համառոտ պատմել <<Եղեգնուհի>> հեքօաթը, գրավոր կատարել հետևյալ առաջադրանքները։

Առաջարկում են սովորողները

1.Դուրս գրիր անծանոթ բառերը և բազատրիր բառարանի օգնությամբ:

2. Դուրս գրիր քո ամենասիրած հատվածը, հիմնավորիր պատասխանդ:

3 Նոր վերնագիր հորինի՛ր։

4. Ինչու՞ թագավորը իր տղային ամուսնացնելու համար աղջիկ չէր կարողանում գտնել։

5. Ինչպե՞ս է հայտնվում Եղեգնուհին։ Համառոտ գրի՛ր։

6. Բոշա աղջիկը ինչպե՞ս վարվեց Եղեգնուհու հետ։

7. Թագավորը ինչպե՞ս ճանաչեց Եղեգնուհուն։

8. Ի՞նչ սովորեցրեց քեզ հեքիաթը։

Առաջադրանքներ 20-23 ապրիլի

21-ապրիլի

երեքշաբթի

Կարդալ <<Երիտասարդ խեցգետինը>> հեքիաթը, կատարել կից առաջադրանքները։

22 ապրիլի

հինգշաբթի

Կարդալ և համառոտ պատմել <<Հնարագետ ջուլհակը>> ավանդազրությցը՝ դուրս գրելով և բացատրելով անծանոթ բառերն ու արտահայտությունները։

23 ապրիլի

ուրբաթ

Պատմել սովորել <<Հնարագետ ջուլհակը>> ավանդազրույցը։ Կատարել առաջադրանքները։

Դուրս գրի՛ր տեքստի դարձվածքները և բացատրի՛ր։

Դուրս գրի՛ր ջուլհակի հնարամտությունը ներկայացնող հատվածները։

Բնութագրի՛ր Շահ-Աբասին։

Երիտասարդ խեցգետինը

Երիտասարդ խեցգետինը մտածում էր. «Ինչո՞ւ իմ ընտանիքում բոլորը ետ-ետ են քայլում: Ուզում եմ առաջ քայլել սովորել, ինչպես գորտերը: Քիթս կկտրեմ, թե չկարողանամ սովորել»:
Խեցգետինն սկսեց թաքուն վարժություններ անել հարազատ գետի քարերի մեջ: Սկզբում շատ էր հոգնում.  Իրեն էս  ու էն կողմ էր տալիս, քերծում էր զրահն ու կոխկրտում ոտքերը: Բայց, քիչ – քիչ  վարժվեց: Այդպես է, չէ՞,  ամեն ինչ էլ կարելի է սովորել, եթե շատ ուզես:
Երբ արդեն վստահ էր, որ հասել է նպատակին, կանգնեց իր ընտանիքի անդամների առջև ու ասաց.
— Նայե՛ք:
Ու մի  հպարտ քայլքով գնաց առաջ:
-Զավա՛կս, – հուզմունքից լաց եղավ նրա մայրը,-Հո չես գժվել: Խելքդ գլուխդ հավաքիր, քայլի՛ր եղբայրներիդ նման, որ քեզ շատ են սիրում:
Իսկ եղբայրները նայում ու փռթկացնում էին:
Հայրը   խիստ հայացքով նայեց նրան, հետո ասաց.
-Դե հերի՛ք է: Եթե ուզում ես մեզ հետ մնալ, քայլիր  սովորական խեցգետինների նման: Եթե չես լսի մեզ, գետը մեծ է. գնա ու մեր մասին մոռացիր:
Ճիշտ է՝ խեցգետնուկը սիրում էր իր հարազատներին, բայց  նա նաև հավատում էր, որ ինքը ճիշտ է, նա չէր կասկածում: Ի՞նչ պիտի աներ: Խեցգետինը համբուրեց մորը, հրաժեշտ տվեց հորն ու եղբայրներին ու ճամփա ընկավ դեպի մեծ աշխարհ:
Երբ անցնում էր գետով, գորտերը զարմանքից   շշմել էին: Էս տիկինները  հավաքվել էին իրար գլխի՝ սրանից-նրանից բամբասելու:
-Աշխարհը շուռ է եկել, -ասաց նրանցից մեկը,-նայեք այս խեցգետնին, ո՞վ է այսպիսի բան տեսել;
-Է՜, հարգանք չի մնացել,-ասաց մեկ ուրիշը:
-Վա՜յ, վա՜յ, վա՜յ, -հառաչեց երրորդը:
Բայց խեցգետնուկը շարունակեց  գնալ իր ճամփով: Մի քիչ հետո  լսեց, որ իրեն մի մեծ, ծեր, խեցգետին է կանչում, որը տխուր դեմք ուներ ու մեն-մենակ կանգնել էր մի քարի մոտ:
-Բարի  օր,-ասաց երիտասարդ խեցգետինը:
Ծերուկը երկար նայեց նրան, հետո ասաց.
-Այս ի՞նչ ես անում: Ես էլ, երբ երիտասարդ էի, քեզ նման մտածում էի, որ խեցգտիններին պիտի սովորեցնել դեպի առաջ քայլել: Բայց տես, թե ինչի հասա. ապրում եմ մեն-մենակ, ու խեցգետինները ավելի շուտ լեզուները կկտրեն, քան թե կխոսեն ինձ հետ: Քանի դեռ ուշ չէ, ականջ արա ինձ, ապրի՛ր բոլորի նման, ու մի օր, շնորհակալ կլինես այս խորհրդի համար:
Երիտասարդ խեցգետինը չգիտեր ինչ պատասխանել ու լուռ մնաց: Բայց ինքն իրեն ասում էր.
-Չէ՛, ե՛ս եմ իրավացի:
Նա հրաժեշտ տվեց ծեր խեցգետնին, հպարտ-հպարտ շարունակեց իր ճանապարհը:
Տեսնես հեռու կգնա՞: Կհասնի՞ երջանկության: Կուղղի՞ այս աշխարհի բոլոր ծռությունները: Մենք դա չգիտենք, նա դեռ շարունակում է քայլել այնպես, ինչպես որոշել է: Միայն կարող ենք նրան հաջողություն մաղթել՝ասելով.
-ԲԱՐԻ՛ ՃԱՆԱՊԱՐՀ:

Շարունակել կարդալ