Մի անգամ առավոտյան, Միլանում, հաշվետար Բյանկինին բանկից գնում էր իր առևտրային ընկերություն: Հրաշալի օր էր: Երկնքում ոչ մի ամպ չկար: Երկինքը փայլում էր մաքրությունից, կապույտ երկնակամարում վառ փայլում էր արևը, ինչն անսովոր էր նոյեմբերի համար: Հաշվետար Բյանկինին հրաշալի տրամադրություն ուներ: Առույգ քայլելով նա ուրախ երգում էր քթի տակ. «Ի՜նչ լավ օր է, ի՜նչ լավ օր, ժպիտներ են շուրջ բոլոր…»: Բայց ահա նա պատահմամբ նայեց երկնքին և սառեց տեղում՝ զարմանքից բացելով բերանը: Ինչ-որ անցորդ բախվեց նրան և առիթը բաց չթողեց փնթփնթալ. Շարունակել կարդալ
Category Ջանի Ռոդարի
Ջ․ Ռոդարի․ Մեծ գազարը
- Կարդա՛ հեքիաթը։
Իսկ հիմա ես ձեզ մի պատմություն կպատմեմ աշխարհի ամենամեծ գազարի մասին: Դուք, իհարկե, մեկ անգամ չէ, որ լսել եք այդ մասին, բայց, իմ կարծիքով, պատմությունն այսպես է եղել: Մի անգամ մի գյուղացի իր բանջարանոցում գազար է տնկում և սկսում է խնամել. ջրում է, մաքրում մոլախոտերից, մի խոսքով՝ ամեն ինչ անում է՝ ինչպես հարկն է: Երբ ժամանակը գալիս է, սկսում է բերքը հավաքել. գազարները հանում է հողից: Հանկարծ տեսնում է մի շա՜տ մեծ գազար: Հա քաշում է, քաշքշում է, բայց հողից հանել չի կարողանում։ Փորձում է թե՛ այսպես, թե՛ այնպես, էլի չի կարողանում: Վերջապես չի դիմանում, կանչում է կնոջը:
– Ջուզեպի՜նա։
– Ի՞նչ է պատահել Օրեստե։
– Էստեղ արի։ Այնպիսի՜ մի գազար է բուսնել… Ոչ մի կերպ չի ուզում դուրս գալ հողից։ Արի մի տե՛ս…
– Հա՜ էլի, էս ի՜նչ մեծ է :
– Արի այսպես անենք, ես կբռնեմ գազարից, իսկ դու՝ իմ բաճկոնից և կքաշենք։ Դե ինչ, պատրա՞ստ ես: Քաշեցի՜նք։ Էլի՜, էլի՜ քաշիր։
– Ավելի լավ է ձեռքիցդ բռնեմ, թե չե բաճկոնդ կարող է պատռվել։
– Լավ, ձեռքիցս բռնիր։ Դե՛, ուժեղ քաշիր։ Ո՛չ, ոչ մի կերպ չեմ կարողանում հանել: Հապա կանչիր որդուս, թե չէ ես լրիվ շնչահեղձ եղա..
– Ռոմե՜ո, Ռոմե՜ո։
– Ի՞նչ է պատահել, մայրի՛կ:
– Այստեղ արի, միայն թե արագ։
– Բայց ես դաս եմ սովորում:
– Հետո կսովորես, իսկ հիմա օգնիր։ Տե՛ս, այս գազարը ոչ մի կերպ չի ուզում դուրս գալ հողից: Ես կբռնեմ հայրիկի մի ձեռքից, դու՝ մյուսից, իսկ ինքը կբռնի գազարից ու կքաշենք: Գուցե այդպե՞ս կարողանանք հանել հողից: Օրեստեն թքոտեց ափերին, շփեց ձեռքերը, ուժերը կենտրոնացրեց:
— Դե ինչ, պատրա՞ստ եք: Մե՜կ-երկո՜ւ, քաշեցի՜նք։ Նորի՜ց… էլի՜, էլի՜… Չէ՛, ոչինչ չի ստացվում: — Սա երևի աշխարհի ամենամեծ գազարն է,- ասաց Ջուզեպինան:
— Պետք է օգնության կանչել պապիկին, — առաջարկեց Ռոմեոն:
— Դե կանչի՛ր,- համաձայնեց հայրը:
— Ես միայնակ չեմ կարող քաշել-հանել:
— Պապի՜կ, պապի՜կ։ Արի՛ այստեղ, շո՜ւտ արի:
— Գալիս եմ, սիրելիս, գալիս եմ… Պարզապես դժվար է քայլելը… Քո տարիքում ես էլ էի արագ վազում, իսկ հիմա … Ի՞նչ է պատահել։ Պապիկը տեղ հասավ շնչակտուր և արդեն հոգնած:
— Մեր բանջարանոցում աշխարհի ամենամեծ գազարն է աճել,- բացատրեց Ռոմեոն։
— Երեքով չենք կարողանում հանել հողից, կօգնե՞ս։
— Կօգնեմ, բա ո՞նց, հարազատս։
— Ուրեմն այսպես կանենք,- ասաց Ռոմեոն,- դու կբռնես ինձնից, ես մայրիկի հետ հայրիկից կբռնեմ, իսկ նա՝ գազարը կքաշի… Եթե այս անգամ էլ չկարողանանք հողից հանել…
— Լավ,- համաձայնեց պապիկը,- միայն մի րոպե սպասիր…
— Ի՞նչ է եղել։
— Միայն ծխամորճս մի կողմ դնեմ: Հնարավոր չէ միանգամից երկու գործ անել։ Պետք է կա՛մ ծխել, կա՛մ աշխատել, այդպես չէ՞։
— Դե՛, սկսեցինք,- ասաց Օրեստեն։
— Բոլորը պատրա՞ստ են։ Մե՜կ-երկո՜ւ, քաշեցի՜նք։ Մի անգա՛մ էլ, մի անգամ էլ՝ քաշեցի՜նք։ — Օօգնեցե՜ք։
-Ի՞նչ պատահեց, պապի՛կ։
— Չե՞ս տեսնում, ընկա։ Սայթաքեցի և ընկա: Եվ հենց ծխամորճիս վրա… Խեղճ ծերուկը նույնիսկ տաբատն էր վառել:
— Ո՛չ, էսպես բան դուրս չի գա,- որոշեց Օրեստեն։
-Ռոմե՛ո, վազի՛ր հարևան Անդրեայի մոտ, օգնության կանչիր:
— Դե որ այդպես է, թող կնոջ ու տղայի հետ գա՝ ամբողջ ընտանիքով,- առաջարկեց Ռոմեոն:
— Ճիշտ ես ասում,- համաձայնեց հայրը։ – Տես, է՜, ի՜նչ էլ մեծ գազար է… Սրա մասին կարելի է թերթին էլ հայտնել:
— Գուցե հեռուստատեսությունից մարդ կանչենք,- առաջարկեց Ջուզեպինան։ Բայց նրա հետ ոչ ոք չհամաձայնվեց:
— Հեռուստատեսությո՜ւն… – մրթմրթաց Օրեստեն,- ավելի լավ է հարևաններին կանչենք ու նախ սա՛ հողից հանենք: Կարճ ասած՝ եկավ Անդրեան, եկան նրա կինն ու որդին։ Ճիշտ է, տղան դեռևս շատ փոքրիկ էր՝ հինգ տարեկան, այնպես որ նրա ուժը շատ չէր… Այդ ընթացքում ամբողջ գյուղն արդեն իմացել էր հսկա գազարի մասին: Կատակելով ու զրուցելով նրանք գնում էին դեպի բանջարանոց։
— Սա, ախր, ամենևին էլ գազար չէ, ասաց ինչ-որ մեկը,- այստեղ կետ ձուկ է նստել։
— Կետերը ծովում են լողում։
— Ոչ բոլորը։ Ես մեկին տեսել եմ տոնավաճառում .․.
— Իսկ ես տեսել եմ գրքում… Մարդիկ հրահրում էին միմյանց:
— Հապա մի դու փորձիր, Ջիրոլամո,- դու մեր մեջ ամենաուժեղն ես։ — Ես գազար չեմ սիրում, նախընտրում եմ կարտոֆիլ:
— Իսկ ես՝ կոլոլակ: Կատակներով ու զվարճախոսություններով մարդիկ քաշեցին-քաշքշեցին, բայց գազարը հողից հանել չկարողացան: Արդեն արևն էլ դեպի մայրամուտ էր թեքվում…
- Հինգ-վեց նախադասությամբ անսպասելի ու զվարճալի ավարտ հորինի՛ր։
Ռոդարիական հորինվածքներ
Ստեղծագործում են 4 և 5-րդ դասարանի սովորողները։
Աշոտ Սուքոյան-4․2 դասարան
Ռոդարիական ռադիոդաս № 2
Ռադիոդասը ներկայացրին՝ 4․1 և 4․2 դասարանի սովորողները։
Սխալ արձագանքը․ հեքիաթի աղավաղում հնար
05-մայիսի
Այսօր ընթերցեցինք Ջ․ Ռոդարիի <<Սխալ արձագանք >> հեքիաթը ։ Չորրորդ դասարանցիները հեքիաթը դերերով ընթերցելուց, արձագանքի մասին զրուցելուց և բեկամանացնելուց հետո, որոշեցին զվարճալի ու հետաքրքիր երկխոսություններ հորինել։ Ստորև ներկայացնում ենք հորինած հեքիաթների ընտրանին։ Հուսով ենք՝ ձեզ դուր կգան։
Լուիզա Եղիազարյան— Անգրագետ արձագանքը
Եվա Սահրադյան- Հիմար արձագանքը
Ռուզաննա Բաբաջանյան- Անխելք արձագանքը
Լարիսա Մկրտչյան— Վախեցնող աղմուկը
Արսեն Հովհաննիսյան- Թարս արձագանքը
Հայկ Նահապետյան—Տարօրինակ արձագանք
Դավիթ Խաչատրյան-Ծիծաղկոտ արձագանքը
Ուսուցիչ Քերականը
Բնութագրիր ուսուցիչ Քերականին․
Ուսուցիչ Քերականը Մայրենի լեզվի մոլագար էր, և շատ ջղայն։ Ուսուցիչ Քերականը շատ խիստ և կոպիտ տղամարդ էր։ Նա նաև շատ լուրջ էր և չէր սիրում զվարճանալ , չէր ուզում խնդալ։
Սեդա Հովհաննիսյան
Տարօրինակ մտքեր
28 ապրիլի
Ռոդարիական օրերը շարունակվում են։ Այսօր ընթերցեցինք Ջ․ Ռոդարիի <<Հասած երկինքը >> հեքիաթը։ Հեքիաթից ամենատարօրինակ ու անսովոր մտքերը առանձնացնելուց հետո, որոշեցինք ինքներս էլ նման մտքեր հորինել։ Անպայման կարդացեք․ գուցե ձեր մտքո՞ւմ էլ տարօրինակ տարօրինակ ու զարմանալի հարցեր ծնվեն։
Ռոդարիական օրեր
Նախագծի նպատակը` Ջ. Ռոդարիի ստեղծագործությունների միջոցով ռոդարիական հնարների կիրառում:
Մասնակիցներ` 4-րդ և 5-րդ դասարանի սովորողներ
Խնդիրները
- Ստեղծագործական մտածողության զարգացում
- Բանավոր և գրավոր խոսքի մշակում` ստեղծագործական հնարների կիրառման արդյունքում
- Թարգմանական կարողությունների կատարելագործում
Արդյունքում
- <<Զատիկ>> ստեղծագործական բլոգի սպասարկում
- Ուսումնական նյութերի ստեղծում, հրապարակում
Բովանդակությունը
4-րդ դասարանի համար
5-րդ դասարանի համար
Փոխեցին գլուխները
Մարկոն և Միրկոն`այդ սարսափելի երկվորյակները, չէին հարգում քերականությունը և տանել չէին կարողանում քերականական վարժությունները: Դժբախտներ, նրանք նույնիսկ չէին պատկերացնում, թե ինչ կարող է գալ իրենց գլխին: Երեկ Ուսուցիչ Քերականը նրանց հանձնարարել էր գոյականների մոտ բայեր գրել: Տեսեք, թե ինչ էին գրել այդ անպիտանները: Շարունակել կարդալ
Սխալ արձագանք
Միայն թե չասեք, թե արձագանքը հրաշալի բան է, չգովաբանեք, մեկ է՝ չեմ հավատա: Երեկ ինձ տարան ծանոթացնելու դրանցից մեկի հետ: Ես սկսեցի թվաբանական հասարակ հարցերից:
_ Ինչքա՞ն կլինի երկու անգամ երկու:
_ Երկո՜ւ,- պատասխանեց արձագանքը՝ պատասխանելուց առաջ նունիսկ չմտածեց:
_ Ինչքա՞ն կլինի երեք անգամ երեք:
_ Երե՜ք,-ուրախ բացականչեց հիմար արձագանքը:
Պարզ էր, որ թվաբանությունից բան չի հասկանում: Ես էլ որոշեցի նրան հնարավորություն տալ, որ ուղղի իր սխալը, ասացի. Շարունակել կարդալ
