Գետակի վրա…

Գետակի վրա
Թեքվել է ուռին.
Ու նայում է լուռ
Վազող ջրերին: —

…Երազ – աշխարհում
Ամեն բան հավետ
Գալիս է, գնում
Ու ցնդում անհետ:

Եվ գլուխը կախ`
Նա լաց է լինում.-
Ջրերը ուրախ`
Գալիս են, գնում…

Ինչպիսի՞ն էր այս բանաստեղծության գետակը։ Առանձնացրո՛ւ գետակին բնորոշող հատվածը։

Ինչպիսի՞ն էր ուռենին։ Փորձի՛ր բնութագրել նրան։

Բանաստեղծության մեջ ի՞նչ են խորհրդանշում ջրերը։

Ինչի՞ մասին է բանաստեղծությունը։ Փորձի՛ր բացատրել։

Կազմի՛ր նախադասություններ, գործածելով տրված արտահայտությունները։

Երազ աշխարհ, ուրախ ջրեր, լացող ուռենի։

Ի՞նչ տրամադրություն փոխանցեց քեզ բանաստեղծությունը։ Տպավորությունդ ներկայացրո՛ւ մի քանի նախադասությամբ։

Երգի հրապույրը

Մեզանից հազարավոր տարիներ առաջ, մեզնից շատ ու շատ հեռու՝ յոթ ծովերի մյուս ափում, կար մի աշխարհ: Այնտեղ ծաղիկներ կային, չքնաղ ու բյուրազան ծաղիկներ՝ թիթեռների պես փռված ու թրթռուն՝ ժայռերի ու դաշտերի վրա, և նրանց անուշ հոտով լցվել էին այդ աշխարհի սարերն ու ձորերը: Այնտեղ աղբյուրներ կային, պայծառ ու կարկաչուն աղբյուրներ՝ մանուկների պես, որ թռչկոտում էին քարից քար՝ ծաղիկները համբուրելով: Բայց այնտեղ մադիկ չար էին ու անգութ: Մի որբ ու աղքատ մանուկ էր ապրում այդ մարդկանց մեջ. գիշերը տեղ չուներ գլուխը դնելու և հաց չուներ ուտելու: Նա մենակ էր, ինչպես մի թռչուն՝ ամայի ժայռերի մեջ: Եվ նա մեծացավ բոլորի աչքի առջև՝ անտես ու անհայտ. կերակրվում էր դաշտի բույսերով և պատսպարվում էր անձավների մեջ: Բայց, բոլոր մարդկանցից ծածուկ, իր մատներով շոշափում էր ու զննում մարդկանց սրտերը և տեսնում էր, որ քարից էին այդ սրտերը՝ քար ու ապառաժից: Ու երբ պատանի դարձավ, թողեց այդ քարսիրտ աշխարհը և ճամփա ընկավ մի ուրիշ, մի լավ աշխարհ գտնելու համար: Հասավ մի ծովափ և երբ ափի ավազների վրա շրջում էր, տեսավ ցամաքին մի շա¯տ գեղեցիկ, մի շողշողուն ձուկ՝ հոգեվարքի մեջ թալիկ-թալիկ տալիս: Պատանին գրկեց ձուկը և քնքշությամբ տարավ, բաց թողեց ծովի մեջ: Ձուկը երբ ուշքի եկավ, դարձավ-ասաց մարդու լեզվով. Շարունակել կարդալ

«Երգի հրապույրը» 10.11 լրացուցիչ առաջադրանք

Լսի՛ր պատմվածքի ռադիոընթերցանությունը:

Գրավոր պատասխանի՛ր հետևյալ հարցերին:

  • Ի՞նչ կարծիք ունես այս ընթերցանության վերաբերյալ:
  • Այս պատմվածքը քեզ ծանոթ ո՞ր ստեղծագործության հետ կհամեմատես: Մի քանի նմանություններ ու տարբերություններ նշի՛ր:
  • Եթե հրաշագործի հանդիպեիր, ի՞նչ ցանկություն կհայտնեիր, ինչո՞ւ:

Գրավոր շարադրանքդ կարող ես նաև ձայնագրել:

09.11 լրացուցիչ առաջադրանք

Թեմա՝ Ավ. Իսահակյան. հեքիաթ. ,,Ամենապիտանի բանը,,

Քո կարծիքով ի՞նչն է ամենապիտանի բանը:

  • Կարծիք-վերլուծություններ գրի՛ր. ,,Ամենապիտանի բանը,, և ,,Ամենաանպիտան բանը,, վերնագրերով և  հրապարկի՛ր քո բլոգում:

09.11 լրացուցիչ առաջադրանք

Ավ.Իսահակյանի ,,Եղնիկը,, պատմվածքի համար նոր ավարտ հորինի՛ր. / իսկ հետո ի՞նչ եղավ…/: Փորձի՛ր պատմությանդ մեջ գեղեցիկ նկարագրություններ, դարձվածքներ ու համեմատություններ գործածել:

04.11. Լրացուցիչ առաջադրանք

Կարդա՛ հանելուկները և գուշակի՛ր պատասխանները:

Տերև է՝ ծառ չի,

Խոսում է՝ մարդ չի,

Կարված է՝ շոր չի:

Մի տուն ունեմ՝ սյուն չունի,

Տունն է երկու թռչունի,

Մեկը՝ տաք, մեկը՝ պաղուկ,

Պահմտոցի են խաղում:

Կախվել է կտուրին մեր տան,

Չի թողնում իրեն մտիկ տամ:

Փորձի՛ր ինքդ  հանելուկներ հորինել և հրապարակել:

Լրացուցիչ աշնանային առաջադրանքների հղումները

Հայկ Աբրահամյան 4.1 դասարան- Երբ լսեցի Վիվալդիի ,,Աշուն,,-ը

Մանե  Աբգարյան 4. 1 դասարան Ռադիոլուր աշնանային դպրոցից

Վահե Մուսայելյան 4.1 դասարան Հավտետվություն -պատում, Աշունը մեր բակում

Մարկ Ներսեսյան 4.2 դասարան-«Աշուն է…»

Աշոտ Բադեյան 4.2 դասարան —Աշունը իմ բակում

Լիրա Խաչատրյան 4.2 դասարան-Իմ աշնանային առաջադրանքը

Նազենի Սանոյան 4.2 դասարան Ժայռից մասուր է կաթում

Միլենա Հարությունյան 4.3 դասարան —Մշուշների շղարշի տակ , Առաջադրանքների փաթեթ

Սաթինե Տեր-Պետրոսյան 4.3 դասարան-Աշնանային զբոսանք Երևանում«Աշուն» ընտանեկան ընթերցումներ

Ռաֆայել Հովհաննիսյան 4.3 դասարան-Ամեն, ամեն ինչ ոսկեզօծվել է

Էրիկա Սարգյանը 4.3 դասարան Գեղեցկուհի Աշունը

Դավիթ Հարությունյան 5.2 դասարան Մի տերևի պատմություն

Մանե Բոյախյան-առաջադրանքների փաթեթ 5.2 դասարան —«Իմ գունազարդ աշունը»

Լուսինե Մայիլյան 5.2 դասարան Իմ երջանիկ աշունը

Վահե Կարմիրշալյան -Աշնան մեղեդի

Անահիտ Հովհաննիսյան 5.2 դասարան Հեքիաթային վալսն ու իմ տպավորությունները

,,Իմ աշնանային հանգիստը,, հաշվետվություն-պատումներ. ներկայացնում են 5.2 դասարանի սովորողներ՝

Անահիտ Հովհաննիսյանը

Սրբուհի Մաշինյանը

Ջուլյա Ստեփանյանը

Լուսինե Մայիլյանը

Անուշիկ Ոսկանյանը

Վահե Կարմիրշալյանը

Նարե Մելքոնյանը

Լուսինե Թադևոսյանը

Մանե Բոյախչյանը

Արման Գևորգյան

Բառային առաջադրանքներ

  • Աջից կամ ձախից հերթով ջնջի՛ր մեկական տառ և ստացի՛ր նոր բառեր:

Փականք

  • Ընդգծի՛ր այն բառերը, որնոց մեջ տառերն ավելի քիչ են, քան հնչյունները:

Շունչ, որդ, երես, պարտք

  • Տրված բառերին աջից կամ ձախից ավելացրո՛ւ մեկ տառ այնպե՛ս, որ ստացվի մի նոր բառ:

Ստել, կոճ, որդ, նայել, ոտ

  • Յուրաքանչյուր քայլին մեկ տառ փոխելով՝ ջուր-ից ստացի՛ր ձուկ:

ջուր, -ուր, մ-կ, ձուկ

  • Վանկը դի՛ր բառի աջից կամ ձախից և ստացի՛ր նոր բառեր:

պետ, նը, կը, ա, տեզ

  • Ո՞ր բառն է ,,ավելորդ,,: Ինչո՞ւ:

կապույտ

մանուշակագույն

կանաչ

երկնագույն

կապտավուն

  • Գրի՛ր բառեր, որոնց մեջ ձայն կա.
  • Գրի՛ր բառեր, որոնց մեջ ,,դպրոց,, բառը կա: