21.11 Լրացուցիչ առաջադրանք

Ընթերցե՛ք հետևյալ հրապարակումները

,,Սեբաստացու օրեր. կրթահամալիրի տոն,, նախագծի ամփոփումը իրականացվում է միասնական հարիսայի ծեսով: Օգտվելով վերոնշյալ հղումներից և հարցադրումներից, ծեսի վերաբերյալ ուսումնական ռադիոնյութ նախապատրաստեք:

Հարցեր

  • Ինչո՞ւ ենք սեբսատացու օրերը /կրթահամալիրի տոնը/ հարիսայի ծեսով ամփոփում /ո՞րն է այս ծեսի խորհուրդը/:
  • Ի՞նչն է  տոնական տրամադրություն հաղորդում ծեսի մասնակիցներին:
  • Ի՞նչ տպավորություններ ունեն տոնախմբության մասնակիցները, մի քանի բառով ինչպե՞ս կբնորոշեն օրվա տրամադրությունը:
  • Ի՞նչ կմաղթեն բոլոր սեբաստացիներին:

Այլ…

«Սեբաստացիներն իմ ընտանիքում»

Ես սեբաստացի Լիլիկ Երիմյանն եմ,սովորում եմ «Մխիթար Սեբաստացի» կրթահամալիրի, Դպրոց-պարտեզի 4-1 դասարանում:

Մայրիկս  սովորել է  Մեղրու   շրջանի Ագարակ  քաղաքի թիվ 2  դպրոցում: Իմ դպրոցը  11 –ամյա է ,իսկ մայրիկիս դպրոցը եղել է միջնակարգ` 10-ամյա:

Երբ նայում եմ մայրիկիս ալբոմը,դպրոցական տարրիների նկարներում  նա միշտ համզգեստով է ,հագած ունի շագանակագույն զգեստ ,սպիտակ գոգնոց, իսկ վզին ալ կարմիր վզկապ:Մայրիկս ասում է ,որ պիոներ է եղել: Ճիշտ է չեմ հասկանում  ինչ  նկաի ունի ,բայց նրա նկարները շատ  լավն են: Читать далее

Հարիսայի ավանդապատում

Երբ Գրիգոր Լուսավորիչը, Խոր վիրապից դուրս գալով, գալիս է Վաղարշապատ, վաթսուն օր շարունակ քարոզ է կարդում տեղի հեթանոս հայերին, որոնք հետաքրքրությամբ լսում են նրան։ Աղքատներին ճաշ տալու համար նա հրամայում է գյուղացիներին շատ յուղ ու ոչխար բերել։ Երբ բերում են յուղն ու ոչխարը, Լուսավորիչը մորթել է տալիս ոչխարները. մեծ-մեծ կաթսաներ են դնում կրակների վրա, միսը լցնում մեջը և կորկոտն (ձավարը) էլ վրան։ Այնուհետև նա հրամայում է հաստաբազուկ կտրիճներին՝ խառնել կաթսայում եղած միսը, ասելով՝ հարեք զսա։ Այդտեղից էլ կերակուրի անունը մնում է հարիսա։

Հարիսան Մուսալեռցիների համար պատմական անցյալ և խորհուրդ ունի։ Մուսա լեռան հերոսամարտի ընթացքում, պաշարված Մուսալեռցիները ցորեն ու այծի միս են ունեցել ու դրանով են սարքել ապուրը։ Հարիսան եղել է նրանց սննդի միակ աղբյուրն ու կենսական է եղել նրանց գոյատևման համար։

Հարիսայի պատրաստման եղանակն ու գործիքները զուտ հայկական են

2000 տարի առաջ հարիսա ենք կերել
«Հարիսայի ստեղծման օրն ու ժամանակը դժվար է ասել, բայց պատրաստման եղանակն ու գործիքները զուտ հայկական են: Պատրաստել են ձավարից, որը զուտ հայկական մթերք է, միայն հայերն են նրա մշակմամբ զբաղվել, թոնիրը, որի մեջ եփել են, նույնպես հայկական է: Հարիսա պատրաստում են գառան կամ հավի մսից, նաև ուտելի խոտաբույսերից ու բանջարեղենից:
Առաջին նստակյաց տնտեսություն ունեցվող ժողովուրդը՝ այսինքն այն մարդիկ, ովքեր նստակյաց ապրել ու հաց են մշակել, հայկական բարձրավանդակի ժողովուրդն է, այսինքն` հայերը: Այս ամենը ամրագրված է ժայռապատկերների վրա, որտեղ պատկերված են արորը, գութանը, հացահատիկը: Եթե հացահատիկ կա, նշանակում է արդեն, որ հայկական է: Նույնիսկ մեր պատմիչներից գիտենք, որ հայկական բանակը առնվազն 2000 տարի, օրը սկսել է հարիսա ուտելով ու մինչ այսօր էլ այդպես է»:
Աղբյուրը՝ HayNews.am

Սեբաստացու դասերը

Ամբողջը կարդա այս հղումով

ԴԱՍ ՎԵՑԵՐՈՐԴ. «…. ինչպես որ կրակը կըհալեցնէ մոմը, այնպես ալ մարդկան գովութիւնները կը հալեցնեն և կոչնչացնեն բարի գործերը»:

ԴԱՍ ՅՈԹԵՐՈՐԴ. Միշտ աշխատել ընթանալ ոսկե միջինի ուղով` վեհանձնության հետ խոնարհամտություն, հրամայելու ժամանակ համեստ, խիստ, բայց քաղցրահամբույր, խորագետ, բայց ոչ խորամանկ, պարզ և անկեղծ, բայց ոչ անզգույշ և գաղտնամատնիչ, կիրթ, բայց ոչ կեղծավոր, բարեմիտ,բայց ոչ նվաստախոհ և ծառայամիտ, ու այդ ոգով էլ կրթել սաներին:

Կարդա՛ և փորձի՛ր մեկնաբանել:

Ինչպես սկսվեց ամեն ինչ

Կարդում և քննարկում ենք տիար Բլեյանի հարցազրույց- հոդվածը:

1. Ո՞ր հարցադրումն էր ամենահետաքրքիրը:

2. Ո՞ր պատասխանը կառանձնացնեիր:  Պատճառանաբի՛ր:

3. Այս հոդվածը կարդալով, ի՞նչ նոր բան իմացար կրթահամալիրի մասին:

4. Պատասխանի՛ր հոդվածում առաջադրված հարցին:

Ինչպե՞ս անենք, որ մենք մեր առօրյայով հայտնվենք կրթական պարտեզի մեջ:

Ինչ լուծում ես առաջարկում: Ինքդ ինչպես ես մասնակցում այս նախագծի իրականացմանը:

5. Վերլուծի՛ր  հետևյալ արտահայտությունը.

       Իմ միջավայրն իմ դպրոցն է