Լեզվահայրենագիտական, թարգմանական նախագիծ
Նպատակը՝ լեզվագործունեության միջոցով ճանաչողության ընդլայնում
Նախագիծը կիրականացվի երկու փուլով․
Առաջին փուլի տևողությունը՝ դեկտեմբերի 11-հունվարի 08-ն է։ Այս ընթացքում սովորողներին կառաջարկվեն ընթերցողական, ստեղծագործական տարաբնույթ աշխատանքներ։
Առաջին փուլի մասնակիցեր՝ չորրորդ և հինգերորդ դասարանների սովորողներ, ծնողներ, այլ ցանկացողներ։
Երկրորդ փուլի տևողությունը՝ հունվարյան ճամբարի ընթացքում
Հայրենագիտական, թարգամանական, համագործակցային նախագծերի իրականացում։
Երկրորդ փուլի մասնակիցներ՝ չորրորդ և հինգերորդ դասարանների ճամբարականներ, ծնողներ, այլ ցանկացողներ։
Ջոկատավարներ՝ Հայկուհի Հովհաննիսյան և Արմինե Աբրահամյան
Նախագծի խնդիրները՝
- Ստեղծագործական աշխատանքների իրականացում
- Թարգմանական հմտությունների կատարելագործում
- Տեղեկատվական աղբյուրներից անհրաժեշտ նյութն ընտրելու և խմբագրելու կարողությունների զարգացում
- Տեխնոլոգիական հմտությունների կիրառում
- Անհատական և խմբային հետազոտական աշխատանք կատարելու հմտությունների կատարելագործում
- Աշխարհաճանաչողության ընդլայնում
- Ավանդական և ծիսական ավանդույթնների ուսումնասիրություն
- Ձմեռային ստուգատեսային նախագերի մասնակցություն
Առաջին փուլի աշխատանքների նկարագրություն
Սովորողն ընտրում է առաջարկվող նախագծային ուղղություններից մեկը կամ, ըստ ցանկության, մասնակցում է առաջարկաված տարաբնույթ նախագծերին։ Նախագծերի իրականացման արդյունքում, սովորողները ստեղծում և ձևավորում են իրենց հետաքրքություններին համապատասխանող ամանորյա բլոգային էջերը։ Անհատական էջերում ընդգրկված աշխատանքները ներառում են ընթերցողական և ստեղծագործական աշխատանքներ։ Յուրաքանչյուրը ամփոփում, ձևավորում և ներկայացնում է իր ուսումնական աշխատանքը՝ հրապարակելով ուսումնական բլոգի համապատասխան բաժնում։
Երկրորդ փուլի աշխատանքների նկարագրություն
Հունվարյան ճամբարի ընթացքում կառանձնանա հայրեագետ ճամբարականների այն ջոկատը, որը կընտրի թարգմանական, բանահավաքչական, լեզվական, խմբագրական աշխատանքը։ Ճամբարի ամեօրյա գործունեության ընթացում կիրականացվեն աշխատանքներ՝ վերը նշված ուղղություններով, կկազմակերպվեն նաև համագործակցային ստուգատեսային նախագծեր։Ճամբարի մասնակիցերը ուսումնական բլոգներում կհրապարակեն իրենց նախընտրած աշխատանքային ուղղությամբ իրականացվող աշխատանքները, շաբաթվա վերջում կլուսաբանեն նաև իրենց ճամբարային գործունեությունը։ Լավագույն անհատական և ընտանեկան նախագծերը կառանձացվեն և կհրապարակվեն ջոկատավարների բլոգներում և դպրոցի կայքում։
Աշխատանքային ուղղությունները՝
Լեզվական-Լեզվական առաջադրանքների ստեղծում, ֆլեշմոբերի, խաղ-վիկտորինաների կազմակերպում։
Հետազոտական-Ծիսական ավանդույթների, տոնացույցի ուսումնասիրություն, ներկայացում։
Թարգմանական-աշխատանք անհատական կամ ջոկատային նախագծերի շուրջ։ Պատասխանատու՝ Հայկուհի Հովհաննիսյան
Առաջարկվող թեմաներ՝
- Ամանորի և Սուրբ Ծննդյան ծեսը իմ դպրոցում
- Ինչպե՞ս են դիմավորւմ Ամանորը իմ ընտանիքում /տոնական նախապատրաստություններ և այլն/
- Ամանորի տոնացույց, խորհուրդներ
- Ազգային ծիսական խաղեր
- Ազգային ծիսական խոհանոց
- Ամանորյա բարեմաղթանքներ, օրհնանքներ, խորհուրդներ, կենացներ և այլն
- Ընտանեկան ավանդական ծիսակարգ, խոհանոց
- Ակնկալիքներ, ծրագրեր
- Այլ…
Ստեղծագործական- Ստեղծագործական տարբեր հնարների կիրառությամբ, թեմատիկ աշխատանքների իրականացում, հրապարակում։
Ստեղծագործական աշխատանքներ
Սովորողների ստեղծագործելու, յուրովի ներկայանալու նախաձեռնությունները միշտ են խրախուսվում: Այս նախագծի արդյունում հնարավորություն կունենան կատարելու հետևյալ աշխատանքները
- Ռոդարիական որևէ հնարի կիրառությամբ ներկայացնելու ամենից շատ դուր եկած հեքիաթը, ավանդազրույցը, պատումը
- Ամանորյա բառերի գործածությամբ տոնական ասիկներ, շուտասելուկներ, հանելուկներ հորինել
- Հորինել Ամանորյա որևէ հեքիաթ կամ ավանդազրույց
- Տոնական բարեմաղթանքներ, բացիկներ, շնորհավորանքներ, գովազդներ ստեղծել
- Ներկայացման սցենար մշակել և ներկայացնել
- Տարեմուտի խոստովանություն /գրավոր կամ բանավոր ներկայացմամբ/
Ընթերցողական-Անհատական ընթերցարանների, ամանորյա ամսագրերի ստեղծում, տեքստային աշխատանքների իրականացում։
Ամանորյա ստեղծագործությունների /հեքիաթներ, պատումներ, ավանդազրույցներ /ընթերցանություն, քննարկում:
Նախագծի ընթացքում կկազմակերպվեն միջդասարանական, ընտանեկան, դպրոցական առցանց քննարկումներ, մեդիաընթերցում-վերլուծություններ, վիկտորինաներ: Այս աշխատանքը հնարավորություն կտա կիրառել տարվա ընթացքում ձեռք բերած կարողությունները և կապահովի ընթերցողների ավելի մեծ շրջանակի ընդգրկումը:
4-րդ դասարանցիների համար նախատեսված ընթերցանության նյութեր
- ,,Կանաչ եղևնին,, Հ․ Սահյան
- Հանս Քրիստիան Անդերսեն ,,Եղևնի,,
- <Նոր տարվա գիշեր> Մետաքսե
- <Կանաչ եղևնին> հեքիաթ
- Սուրբ Ծննդյան ծառը
- Ցանկությունների ծառը
5-րդ դասարանի համար նախատեսված ընթերցանության նյութեր
- Հանս Քրիստիան Անդերսեն. ,,Լուցկիներով աղջիկը,,
- Խստաշունչ ձմեռը և ցնցոտիավոր ծերունին
- Սուրբ Ծննդյան հեքիաթ սրինգ նվագող աղջկա մասին
- Պաուլո Կոելիո Ամանորյա հեքիաթ
- <Նոր տարվա գիշեր> Մետաքսե
Լրացուցիչ ընթերցանության նյութեր սովորողների ընտրությամբ:
Թարգմանական-Խմբային կամ անհատական աշխատանքների իրականացում նախընտրած թեմայի շուրջ։
Համացանցի կիրառումը, մեդիագրադարանից օգտվելու ունակությունը, սովորողներին ու նրանց ծնողներին նախընտրած թեմայի շուրջ հետազոտություններ կատարելու, հետաքրքիր ուսումնական նյութեր հայթայթելու, թարգմանելու, ներկայանալու հնարավորություններ կընձեռի:
Առաջին փուլի արդյունքում՝
Բովանդակությունը տե՛ս
Ամանորյա աշխատան-ում
Ամանորյա ստեղծագործական աշխատանքների, էջերի, ամսագրերի հրապարակում։
Ընթերցարանների կազմում, ձևավորում, ամանորյա անհատական և ընտանեկան ընթերցումների մեդիափաթեթ։
Երկրորդ փուլի արդյունքում՝
Անհատական, խմբային հետազոտական և թարգամանական աշխատանքների հրապարակում։ Համագործակցային նախագծերի լուսաբանում։
Կարճաժամկետ նախագիծ
Նպատակը՝ <<Մեկ դպրոց, մեկ դասարան>> ստուգատեսային նախագծի իրականացում։ 
Նախագծի նպատակը՝ ,,Ամանոր,, և ,,Սուրբ Ծնունդ,, ծեսերի ուսումնասիրություն, նախապատրաստություն:
Արմինե Աբրահամյանի բլոգ 