Նախագծի մասնակիցներ՝ չորրորդ և հինգերորդ դասարանների սովորողներ
Նպատակը՝ Ծանոթացում, հաղորդակցային կարողությունների զարգացում:
Խնդիրները՝
- Սովորողի գրավոր և բանավոր խոսքի ձևակերպման, հստակ արտահայտման հմտությունների մշակում:
- Ինքնարտահայտման կարողության զարգացում
- Ստեղծագործական, քննադատական, տրամաբանական, նկարագրական, վերլուծական մտածողության զարգացում:
- Որոնողական, հետազոտական աշխատանքի հմտությունների մշակում
- Ժամանակակաից տեխնոլոգիական հմտությունները կիրառելու և զարգացնելու կարողություն
Այս նախագիծն իր մեջ ներառում է հետևյալ ենթաթեմաները
Ինչպես եմ անցկացրել իմ ամառային արձակուրդը
Սովորողը գրավոր կամ բանավոր պատումի միջոցով (ռադիոպատում, տեսապատում) ներկայացնում է, թե ինչպես և որտեղ է անցկացրել իր ամառային հանգիստը։ Ինչո՞վ է զբաղվել, ի՞նչ նոր բան է բացահայտել և այլն․․․
Իմ ընթերցողական, ստեղծագործական ամառը։
Սովորողը համառոտ ներկայացնում է իր ընթերցած գրքերի վերնագրերը, համառոտ ներկայացնում առավել տպավորված ստեղծագործությունը, գովազդում այն, հիմնավորում իր ընտրությունը։ Ցանկալի է նաև դուր եկած հատվածների տողերի մեջբերումը, մեկնաբանությունը /բացատրությունը/։
Իմ բացահայտումներով լի ամառը
Սովորողը պատմում է իր կատարած թարգմանչական, հետազոտական տարբեր նախագծերի մասին, ներկայացնում դրանք իր բլոգում և առցանց դասերի ընթացքում։ Այս աշխատանքը հնարավորություն է տալիս ճանաչել և խրախուսել սովորողի հետաքրքրությունները, նրան ինքնարտահայտվելու հնարավորություններ տալ։
Այլ
Առաջարկում է սովորողը, ընտանիքը
Նախագծի իրականացման քայլերը
- Դասի ընթացքում ներկայացնում, քննարկում ենք նախագիծը։
- Սովորողը ծնողի հետ ընթերցում է նախագիծը, անհրաժեշտության դեպքում առաջարկներ լրացումներ անում։
- Նախագծի հղումը հրապարակում է իր անհատական ուսումնական բլոգում և ընտրելով իրեն հետաքրքրող ենթաթեման, կամ ենթաթեմաները, կատարում և հրապարակում է հանձնարաված առաջադրանքները։
- Հրապարակված առաջադրանքի հղումն ուղարկում է դասավանդողի էլ․ փոստին։
- Ուղարկված հղումները հրապարակվում են նախագծի արդյունքներ բաժնում։
Արդյունքների ամփոփում, գնահատում
Նախագծային արդյունքների հրապարակումից հետո, սովորողները հնարավորություն են ստանում ծանոթանալ իրենց ընկերների աշխատանքներին։ Քննարկման արդյունքում /նաև ընտանեկան/ ընտրվում են լավագույն արդյունքները և հրապարակվում են <<Զատիկ>> ստեղծագործական ուսումնական բլոգում։
Գնահատվում և խրախուսվում են սովորողի կողմից առաջարկվող անհատական, ընտանեկան նախագծերը։
Խրախուսվում են սովորողի կողմից առաջարկվող ընթերցողական նախագծերը։
Գերազանց է գնահատվում նախագծի պահանջներին համապատասխանող աշխատանքը։
Բարձր են գնահատվում սովորողի կողմից իրականացված անհատական, հետազոտական աշխատանքները։
Աշխատանքի ներկայացման ձևերը՝
- Անհատական, ընտանեկան տեսապատում, ռադիոպատում
- Գրավոր պատում / ցանկալի է ֆոտոպատումների, տեսանյութերի ուղեկցությամբ/
- Ռադիոպատում, ռադիովերլուծություն
Աշխատանքներին ներկայացվող պահանջները
1.Գրավոր կամ բանավոր խոսքը պիտի լինի հստակ, ամբողջական, գրավիչ մատուցմամբ։
2. Ներկայացվող տեսապատումը կամ ռադիոնյութը պետք է լինի գրագետ, հասկանալի, ամբողջական, չունենա տեխնիկական, այլ ( երաժշտական ձևավորման հետ կապված) թերություններ։
3. Հետազոտական աշխատանքի դեպքում անհրաժեշտ է նշել հղումը, նախագծի մասնակիցներին, եթե նախագիծը անհատական չէ։ Սովորողը պետք է ներկայացնի իր աշխատանքի ընթացքը և կցի արդյունքը։ Ներկայացման ձևն ընտրվում է նախագծային աշխատանքի սկզբունքներից ելնելով։ Եթե թարգմանական աշխատանք է, ներկայացվում է ընթացիկ պատումը ( գրավոր կամ բանավոր), կցվում է կատարած թարգմանաությունը և համապատասխան նյութի հղումը։
Եթե աշխատանքը սովորողների հետաքրքրության շրջանակներին համապատասխան այլ հետազոտական աշխատանք է, ապա կարող է աշխատանքի ընթացքն ու արդյունքը ներկայացվել անհրաժեշտ տեսաշարերի միջոցով ՝ լուսաբանմամբ։
Սովորողի մասնակցությամբ ընտանեկան նախագծերը խրախուսուվում են։
Առցանց նախագծի կազմակերպումը
Առցանց հանդիպումների ընթացքում նախագիծը քննարկելուց հետո, սովորողն ընտրում, առաջարկում է իրեն առավել դուր եկած թեման։
Պարզաբանվում են անհասկանալի հարցերը
Ներկայացվում են անհատական, ընտանեկան աշխատանքները
Քննարկվում են ընկերների կողմից իրականացված, ընտրված աշխատանքները։
Կարևոր
Դասավանդողը մշտական կապի մեջ է սովորողների, նրանց ծնողների հետ և հեռավար կերպով հետևում է աշխատանքի ընթացքին, դիտարկումներ, առաջարկներ անում։ Անհրաժեշտության դեպքում՝ աջակցում։
Նախագծի ամփոփումը
Տե՛ս հղումով
Արմինե Աբրահամյանի բլոգ 